រាជធានីភ្នំពេញ៖ នៅក្នុងបណ្ដាញទំនាក់ទំនង Telegram ផ្លូវការរបស់សម្តេចតេជោ ហ៊ុន សែន បានជូនដំណឹងឱ្យបងប្អូនប្រជាពលរដ្ឋមានការប្រុងប្រយ័ត្ននូវ fake account/Profile ដែលក្លែងបន្លំដាក់ឈ្មោះ សម្តេចកិត្តិព្រឹទ្ធបណ្ឌិត “Bun Rany Hun” ដោយគេឃើញមានការ Chat ទាក់ទងទៅកាន់អ្នកប្រើប្រាស់មួយចំនួនជាសារមិនប្រក្រតី ដែលអាចជាខ្លឹមសារដែលមានការបកប្រែតាមរយៈកម្មវិធី Google translate។

តាមរយៈសារនៅលើបណ្ដាញទំនាក់ទំនង Telegram ផ្លូវការរបស់សម្តេចតេជោក៏បានបញ្ជាក់ថា "សម្តេចកិត្តិព្រឹទ្ធបណ្ឌិតមិនមាន facebook account/Profile ផ្ទាល់ខ្លួនផ្លូវការទេ។ សូមបងប្អូនប្រើ ប្រាស់មានការប្រុងប្រយ័ត្ន និងពិនិត្យអោយបានច្បាស់លាស់មុននឹង follow, add friend, send message… កុំចាញ់បោកពួកអ្នកក្លែង (scam) ជាពិសេសប្រើឈ្មោះប្រមុខដឹកនាំប្រទេស, មន្រ្តីធំ ឬឧកញ៉ា ឬ អ្នកដែលមានប្រជាប្រីយ៍ភាពក្នុងសង្គម។ បើមិនច្បាស់ទេកុំទាក់ទងឆ្លងឆ្លើយជាមួយ Scammer"៕